CAGAYAN DE ORO CITY – Gilangaw ang mga nag-unang Chinese restaurants sa Estadus Unidos tungod sa nagpadayong hadla sa 2019 Corona Virus Disease.
Kini ang gibutyag ni Bombo Radyo International Correspondent to New York City Dolly Ilogon.
Gibutyag ni Ilogon nga halos wala nay gakaon sa mga restaurant sa Chinatown sa Manhattan, Flushing, Queens ug New York.
Namugos si Ilogon nga tungod sa kahadlok sa mga Amerikano nga matakdan sa virus daghang mga kan-anan ug mga patigayon ang nagsira, lakip na mga malls ug tunghaan.
Dunay mga malls nga halos hurot na ang mga alcohol, ug tissue papers tungod sa panic buying.
Mitala usab sa kaso sa looting sa mga kaugalingong empleyado ang mga gagmay nga kan-anan sa sulod sa 14 ka estadu sa Amerika nga apektado sa COVID-19.
