Nakatutok ang atensyon sa Armadong Kusog sa Nasud sa ‘show of force’ tali sa China ug Taiwan.
Kini human imando ni AFP chief of staff Gen Romeo Brawner Jr sa Northern Luzon Command nga pangandaman ang posibleng puwersado nga pag-okupar balik sa China sa Taiwan nga mibulag kanila aron mahimong gawasnon sa komunistang pagdumala.
Gihimo ni Brawner ang pasidaan nunot sa dul-an 20 ka barkong panggubat sa China nga mi-okupar sa kadagatan sa Taiwan ug naghimo sa pagbansay-bansay.
Gilayong gipadala usab sa Taiwan ang ilang mga modernong kagamitang iggugubat aron atbangan ang gihimong pagsulod sa China sa kadagatan niini.
Kini ang gihungdan nga gipaporma sa AFP ang NOLCOM sa contingency plan kung mahitabo ang kagubot sanglit 250-mil ka Pinoy workers ang nakabase sa Taiwan.
