Gitugyan na sa Palasyo ngadto sa Department of Foreign Affairs (DFA) ang hisgutanan nga persona non grata batok sa Chinese envoy nga si Jing Quan tungod sa iyang kontrobersiyal nga pahayag.
Mahinumdoman nga mipagawas og pahayag si Quan nga modaug ang China kung mugamit kini og pwersa batok sa Pilipinas mahitungod sa tensyon sa West Philippine Sea.
Matud ni Palace Press Officer Undersecretary Claire Castro, kinahanglang magpabiling diplomatiko ang pagtubag sa Pilipinas sa mga isyu nga dunay kalabutan sa China. Dugtong niini, gipasalig usab ni Castro nga dili mo-undang ang Pilipinas sa pagpanalipud sa katungod ug interes sa nasud sa West Philippine Sea.
