Gipalawon sa Philippine Drug Enforcement Agency Northern Mindanao ang imbestigasyon batok sa sindikato nga gitoohang nagpasulod sa ilegal nga droga gikan sa Myanmar pinaagi sa seaside smuggling.
Gipanguluhan sa PDEA-X ug kapolisan ang operasyon, nga naglakip sa mga kasikbit nga probinsya aron masuta ang tibuok network sa kontrabando.
Una niini, nadakpan sa miaging semana ang usa ka lalaki nga gituohang miyembro sa grupo nga nakuhaan sa usa ka kilo sa shabu nga gisulod sa Chinese teabag packaging nga halos nagbalor sa 7 milyones pesos.
Namahayag si PDEA Misamis Oriental Team Director Expedito Cardona nga gipunting sa mga imbestigador ang tanang anggulo aron matino ang mga personalidad nga nalambigit ug ang tinubdan sa droga
