Gilimod ni Konsehal Eric Salcedo ang nanggawas nga chismis nga nakapaldo matud pa kini og 20 milyones pesos samtang nagpadayon pa ang negosasyon alang sa 8.5 billion loan sa bag-ong Government Complex.
Wala usab malikayan sa opisyal nga kwestiyonon ang minorya kung ngano sa session ra sa konseho gipangutana ang mga duda ug pagbabag imbes nga gipagawas kini atol sa hearing sa Laws and Rules Committee diin anaa ang Local Finance Committee.
Gitin-aw sa konsehal nga nakabase sa feasibility study ang pagbotar niini sa ‘YES’ tungod kay 80 porsyento sa katawhan ang gustong ibalhin na ang pasilidad sa dakbayan.
Busa gipahayag sa opisyal nga barogan niini ang maong desisyon alang sa kaayohan sa publiko tungod kay nakapundar kini sa prinsipyo ug dili sa pamolitika.
