Nagpadala og seryosong bahad ang City Health Office tungod sa grabeng hulga sa heat stroke gikan sa talaan nga 40 hangtod 43 degrees Celsius nga heat index sa dakbayan sa Cagayan de Oro.
Gipahayag ni City Health Officer Doctor Rachel Daba-Dilla nga sukad-sukad karon pa nakasulay ang dakbayan sa ingon niini ka grabe nga kainit, diin kaniadto miabot ra sa 35 degrees Celsius ang temperatura sa siyudad.
Tungod niini, gigiyahan sa buhatan ang desisyon nga isuspinde una ang klase sa mga pampublikong tunghaan aron malikay ang mga estudyante sa makadaot nga epekto sa pagsingot ug pagkawala sa tubig sa lawas nga mahimong mosangpot sa heat cramps ug heat exhaustion.
Mao nga aron malikayan ang kalit nga pagkahubas sa natural nga asin sa panglawas, gidasig sa doktor ang publiko nga moinom og timpla nga usa ka basong tubig nga adunay sagol nga usa ka pinch nga asin ug tulo ka kutsaritang asukar
