CAGAYAN DE ORO CITY-Gihulat karon sa Commission on Human Rights o CHR-10 ang nabulgar nga suspected brgy narco-politician officials nga moduso’g reklamo batok sa PDEA ug DILG.
Kini human panganli ang 207 ka brgy officials tibuok nasud nga anaa sa illegal drug operations diin 11 niini gikan sa Northern Mindanao.
Miingon si CHR regional director Atty Jeanne Ivy Abrina nga giila nila ang dakong tahas sa PDEA nga batukan ang gidiling droga apan angay dad-on sa korte.
Una nang nagpasidaan nga mahimong kasuhan sa libel ang gobierno tungod sa pagpagawas sa pangalan sa suspected brgy officials nga wala’y kaso giatubang sa korte.
Samtang gi-angkon ni Misamis Occidental Provincial Police Office Director Sr/Sup Jaysen de Guzman nga wala pa sa iyang kamot ang listahan gikan sa PDEA Central office sa LGU officials nga anaa sa narco-list ni Pres Rodrigo Duterte.
Gibutyag ni De Guzman nga daan nang mga warrant of arrest sa korte ang mga Parojinog ug pamilya Francisco samtang ang uban ila pang laraw operasyonan.
Gisaad ni de Guzman nga dili sila magduha duha ug dakop sa mga nakalista sa PDEA drug watch.
Kabahin sa migawas ang pangalan nila ni Cogon Barangay Kagawad Marlon Parojinog ug Tinago Barangay Kapitan Brendon Francisco tungod sa illegal drug distribution sa Ozamiz City.
