CAGAYAN DE ORO CITY-Gi-welcome karon sa gobierno ang himoon nga pag-imbestigar sa Commission on Human Rights o CHR sa military operations batok mga teroristang Maute-ISIS sa Marawi City.
Kini sa tuyo nga masiguro nga wala’y nahimo nga abuso ang militar samtang gipakig-awayan ang mga terorista sa kapin upat ka bulan sa maong syudad.
Gibutyag ni Presidential spokesperson Ernesto Abella nga pagmatood lamang kini nga wala’y gitago ang gobierno bisan anaa sa deklarasyon sa martial law ang Mindanao.
Hisayrang una nang miingon ang CHR nga wala kanila ang pagkaso batok sa mga terorista kay trabaho kini sa puwersa sa estado.
