Gipangulohan ni Kardinal Jose Advincula ang Chrism Mass karong Huwebes Santo sa Manila Cathedral, Dakbayan sa Manila.
Gipasiugda sa misa ang pag-andam sa mga balaang lana nga gamiton sa mga sakramento sa tibuok tuig, samtang ang mga pari nagbag-o sa ilang panumpa.
Gi-awhag usab ni Kardinal Advincula ang mga pari sa pag-atiman sa ilang kahimsog sa pangisip (mental health) ug sa pagserbisyo nga matinahuron ug tinuod.
Mitambong ang daghang pari ug mga layko aron ipakita ang suporta ug panaghiusa sa simbahan.
Ang selebrasyon usa ka dakong bahin sa Semana Santa nga nag-andam sa tanan sa pagsaulog sa Pagkabanhaw ni Hesus (JANE ABULAG)
