CAGAYAN DE ORO CITY – Gitin-aw ni Criminal Investigation and Detection Group o CIDG-Mandaue City field unit Police Major Edwin Lacostales nga walay reklamo nga ilang nadawatan batok kang kanhi bise mayor Ceasar Ian Acenas kalabot na sa investment scam.
Siya miingon nga ilang gikasuhan si Acenas tungod kay naapil kini sa ilang entrapment operation kauban ang target nga si Phoenix EA Holding International Incorporated head Ailyn Matulac.
Gihagit ni Lacostales si Acenas nga mapatud-an sa korte nga wala siya’y kalambigitan sa scam ug investor lamang siya niini.
Si Acenas ang nakaggawas na sa bilangguan human makabayad sa pyansa nga P126,000 sa kasong estafa o violation sa RA 8799.
Samtang mas gipili ni Acenas nga pabiling magpakahilom sa kontrobersya nga iyang giatubang may kalabutan sa pagkasikop niini sa Cebu City tungod sa investment scam.
Miingon si Acenas miingon nga maoy direktiba sa iyang legal counsel nga dili na mohatag komento sa kasong estafa nga iyang giatubang.
Siya miingon nga iya na lamang gi-antos ang mga pagpukom sa pipila ka tawo ingon man pagkatag sa fake news batok kaniya.
Gipasalig ni Acenas nga iyang pamatud-an sa korte nga wala siya’y kalambigitan sa investment scam nga hinimuan sa kompaniyang Phoenix EA Holding International Incorporated.
