Gipahimangnoan ni Atty. Antonio Soriano sa Citizens Watch for Good Governance ang publiko nga magpabiling neutral ug likayan ang daling paghukom nga sad-an na si Bise Presidente Sara Duterte sa nagpadayon nga impeachment trial.
Subay sa iyang pahayag, kinahanglan nga hatagan og igong higayon ang pagpresentar sa mga ebidensya aron matino ang kamatuoran bahin sa mga pasangil batok sa bise presidente.
Gihatagan usab og gibug-aton ni Soriano nga kritikal ang papel sa prosecution ug defense sa pagpakita sa ilang mga argumento sa korte tungod kay parehong partido ang nagkuha og mga eksperto nga legal consultant alang niining maong kaso.
Busa, hugot ang iyang panawagan nga huwaton ang tukmang proseso sa hustisya aron makita sa hingpit ang resulta sa mga ebidensya nga ipresentar sa maong bista.
