Mipadayag og dakong pagsalig ang City Agriculture Office consultant nga si Edwin Dael sa mga programang panginabuhian nga ipatuman ni City Mayor Rolando Klarex Uy alang sa mga mag-uuma sa mga hinterland nga barangay sa dakbayan sa Cagayan de Oro.
Namahayag si Dael sa Bombo Radyo nga daghan pa kaayong mahimong mabuhat ang mga mag-uuma sa syudad kon magtinabangay lamang sila ug mosalig sa administrasyon sa mayor sa paghatag og mga programa nga makatabang sa ilang panginabuhian.
Sumala pa kaniya, pinaagi sa hustong mga livelihood program, mapugngan ang pagkapugos sa pipila ka mag-uuma nga malambigit sa ilegal nga pagmina, tungod kay hatagan sila og alternatibong panginabuhian nga makasuporta sa ilang adlaw-adlaw nga kinabuhi.
