CAGAYAN DE ORO CITY-Gisupak ni City Comelec Supervisor Atty Ramil Acol ang sugyot sa COMELEC Head Office nga himoong 6-to-6 ang oras pagbotar karong Mayo 2019 Midterm Elections.
Buot ipasabot gikan sa alas 7 sa buntag nga pagbukas sa mga polling precints, sayuhan pa sa COMELEC ang opening hours niini sa alas 6 sa buntag ug taposon sa alas-6 sa gabie, inay sa na-andan nga alas 3 sa hapon.
Matud pa ni Acol nga taas ang tsansa nga muabot pa silag alas 10 sa gabie kay hutdon pa man nila ang katapusang botante nga maka-apas sa alas 6 nga closing period.
Nagtoo sab ang abogado nga daghang krimen ang gakahitabo sa gabie busa ila kining babagan.
