CAGAYAN DE ORO CITY-Nagkayagaw ang mga kapulisan ug konseho sa Iligan City ning adlawa.
Mismo si Iligan City Vice Mayor Jemar Vera Cruz ang mikompirmar nga ilang gi-protestahan ang Iligan City Police Office human wala pahibaw-a ang konseho sa kalit nga paghulip kang City Director Pol Sr. Supt Manuel Sukarno Alvarez.
Kuyog sa ilang protesta ang pag-embargo sa mga bag-ong patrol cars nga gihatag sa konseho sa ICPO.
Sa pagkakaron, si Pol Supt Rene Solidariossi maoy mihulip kang Alvarez.
Hisayran nga ang mga patrol cars kasamtangan gipaubos sa kustodiya sa kampo sa mga CAFGU.
