Magtapok-tapok karong adlawa alang sa usa ka mahinungdanong assembly ang mga miyembro sa LGBT community sa dakbayan sa Cagayan de Oro.
Sumala ni Sol Paeste-Mosqueda gikan sa opisina sa City Gender and Development (GAD), ituki sa maong asembliya ang mga katungod sa LGBT members ilabi na sa hisgutanang panlawas ug balaod.
Gipaabot nga dunay 10 hangtod 15 ka mga partisipante gikan sa matag usa sa 80 ka mga barangay sa dakbayan ang motambong aron masiguro nga madungog ang tingog sa ilang sektor.
Dugang pa ni Mosqueda, kini nga inisyatibo nagtumong nga mahatagan og kaalam ang mga lgbt members alang sa ilang legal nga katungod ug pag access sa mga medikal nga programa alang kanila.
