Maghandom sa ika-128 nga Independence Day ang syudad sa Cagayan de Oro karong adlawa pinaagi sa yano apan solemne nga selebrasyon nga sugdan pinaagi sa usa ka Philippine flag caravan gikan sa City Hall padulong sa Kiosk Kagawasan.
Gipahibalo ni Acting City Information Officer Jade A. Adeser nga ang mga uniformed personnel ug city officials maoy magbitbit sa dakong bandila sa nasud atol sa maong martsa nga magsugod sa alas-sais sa buntag.
Pag-abot sa maong dapit, patingugon ang sirena isip timaan sa dakong pagtahod sa bandila sa dili pa ipahigayon ang opisyal nga flag raising ceremony uban sa mga pangulo sa ahensya ug mga empleyado sa gobyerno.
Dili usab kalimtan ang pagpahigayon og interfaith prayer, mga mensahe gikan sa lokal nga liderato, ug ang tradisyonal nga pag-awit sa Cagayan de Oro March inubanan sa wreath laying sa monumento sa mga bayani.
Gilauman nga mahuman ang maong tibuok kalihukan pagka-alas-otso y medya sa buntag aron hapsay nga mapahigayon ang pagsaulog sa kagawasan sa nasud.
