CAGAYAN DE ORO CITY – Gihangyo mismo ni two-time Olympian boxer Carlo Paalam sa city govt nga dili hikawan sa suporta ang mga atletang mo-representar sa dungog alang sa katawhan sa dakbayan sa international sports area.
Gihimo ni Carlo ang mensahe nunot sa iyang nakit-an nga dunay kakulang ang support sports program ilabina pag-abot sa dinagkong apilan nila mga dula.
Siya miingon nga wala kini gidapigan tali kang kanhi City Mayor Oscar Moreno ug incumbent City Mayor Rolando ‘Klarex’ Uy kay managsama sila nagsuporta sa iyang boxing journey apan unta daghang atleta pa ang mahatagan sa susamang suporta nga dawatan niini.
Kini tungod kay daghang kabatan-unan nga nadasig ug nag-look forward nga mahisama kaniya nga makadula sa international ilabina sa Olympics.
Una nang gikompirmar ni Carlo nga kuyog si ABAP coach Elmer Pamisa nga dinhi lang sila mag-training sa syudad alang sa preparasyon sa umaabot nga mga dula sa SEA Games,Asian Games ug 2028 LA Olympics didto sa Amerika.
Hisayrang wala maka-medal si Carlo sa Paris Olympics kay nagbinuang sa paghatag desisyon ang pipila sa boxing judges taliwala sa iyang kadaugan batok Austalian boxer.
