CAGAYAN DE ORO CITY- Hulatan sa Cogon Police Station ang ilugwa nga resolusyon sa piskalya sa kasong pagpamaligya ug paggamit sa ginadiling druga batok sa usa ka empleyado sa city hall ning syudad.
Gibutyag ni Insp Jayson Sto Domingo,deputy station commander sa Cogon Police Station nga napasaka na nila ang kaso batok Wesconsin Brazil sa piskalya sa syudad kagahapong adlawa.
Si Brazil kinsa job order worker nga na-assign sa City Agriculture’s Office ang unang nasikop tungod sa pagbaligya’g gitoohang shabu atol sa buy bust operation sa Sitio Punta,Brgy Macabalan sa syudad sa miaging semana.
Hisayrang sa miaging Setyembre ning tuiga,nasikop usab sa kapolisan ang kanhi city hall employee nga nagre-apply pa aron makabalik sa pagtrabaho.
