CAGAYAN DE ORO CITY-Nasubo ang kagamhanan sa syudad sa kamatayon sa menor de edad samtang naligo sa Kagay-an Lawndale Spring Resort sa Sitio Taguanao, Brgy Indahag kagahapong adlawa.
Kini human pakyas mabantayan sa nagdumala sa maong resort nga nalumos si James Cloyd Casinio nga taga-Sitio Talongan, Brgy Canitoan ning syudad.
Miingon si City Administrator Teddy Sabugaa nga may himoon nga pag-imbestigar sa hitabo samtang itunol ang tanang ayuda alang sa pamilya sa biktima.
Nasayran nga gidala pa sa J.R. Borja City Hospital ang biktima apan deklado na kining dead on arrival paghiling sa mga doktor.
