Gitataw ni City Information Officer (CIO) Jade Adeser nga gibalik nila sa alas-8 sa buntag hangtud alas-5 sa hapon ang ilang operasyon sa City Hall sugod sa Lunes Santo padulong sa Miyerkules Santo.
Apan gitin-aw ni Adeser nga kini nga working schedule gidesinyo lamang ning Semana Santa.
Sama sa gilauman, walay operasyon sa City Hall pagka Huwebes hangtud sa Biyernes Santo.
Balik normal ang operasyon sa City Hall sa Lunes.
Mahinumduman nga gipatuman ni City Mayor Rolando Klarex Uy ang 4‑day compressed workweek (Lunes–Huwebes), diin ang empleyado motrabaho ug dugang nga oras hangtod 7 PM aron makabawi sa adlaw nga wala’y trabaho (Biyernes).
