Gumikan sa padayong pagpakatap og mga bakak nga impormasyon sa social media, gipasidaan sa dakbayan nga ilang ginalihok ang pagpasaka og kaso batok sa mga tawo nga naghimo og black propaganda batok sa Mayor sa siyudad pinaagi sa tabang sa Cybercrime Unit sa Camp Alagar ug National Bureau of Investigation o NBI.
Bahin niini, gipahayag ni Acting City Information Officer Jade Adeser nga tulo ra ka opisyal nga pages sa Facebook ang angay toohan sa mga tawo aron dili mailad sa mga pekeng pahibalo.
Dugang pa sa opisyal, angay unang tan-awon ug subayon sa publiko ang matag balita sa dili pa kini i-share o i-comment aron malikayan ang paghatag og kadaot sa dungog sa uban.
Samtang nanawagan usab ang dakbayan sa katawhan nga magmatngon kanunay ug mobisita sa mga lig-ong pahina aron masiguro ang kaangayan ug kamatuoran sa matag impormasyon nga mogawas.
