CAGAYAN DE ORO CITY-Gi-relib sa pagka-city police director si Sr/Supt Robert Roy Bahian sa syudad epektibo kagabii.
Kini ang gikompirmar ni Cagayan de Oro City Police Office o COCPO spokesperson Supt Mardi Hortillosa diin siya nakadawat usab sa maong impormasyon.
Miingon si Hortillosa nga tinood nga gihulipan si Bahian apan wala kini masayod kon unsa’y basehan sa pag-relib kaniya.
Apan sa pakisusi sa Bombo Radyo, giingong dugay nang gitinguha ni PNP regional director C/Supt Timoteo Pacleb nga ilisan si Bahian isip city police director sa syudad.
Miguwa usab ang report nga maoy mihulip sa pagka- city police director sa syudad ang batallion commander gikan sa Regional Mobile Force Company Region 10.
