CAGAYAN DE ORO CITY-All- set na ang city health office sa paglusad sa lapad nga clean up drive sa 80 ka brgy sa syudad ugmang adlawa.Kini sa tuyo nga bungkagon ang mga lugar ug pamatyon ang mga lamok nga nagdala sa sakit nga dengue sa kapin libo ka tawo na ning syudad.
Miingon si City Health Office Dr Fe Bongcas nga dili kawangon sa katawhan ang paghimo sa ilang tahas pinanguluhan sa brgy officials alang sa maong katuyuan.
Unang mohimo’g motorkada ang CHO kuyog si City Mayor Oscar Moreno sa pagkabuntag ug pag-abot sa alas 4:00 sa hapon,sugdan ang citywide clean up drive kontra dengue.
Nakasinati sa endemic ang syudad tungod sa mil-900 ka tawo ang natakbuyan sa dengue diin 15 kanila ang kumpirmadong nangamatay sukad Enero hangtod Agosto ning tuiga.
Samtang i-presentar karong adlawa ni Sangguniang Panlalawigan Board Member Gerardo Sabal sa Sangguniang Panlalawigan ang pagsuporta sa 4-o’clock habit kon pagpanglimpyo sa palibot matag hapon nga programa sa Department of Health o DoH-10 sa Misamis Oriental.
Si Sabal miingon nga kinahanglang aksiyonan ang padayon nga pagsaka sa sakit nga dengue ilabina nga ikaupat ang Misamis Oriental sa tibuok nasud nga dunay labing daghang kaso sa dengue.
Dugtong niini, naglaum si Sabal nga suportahan kini nga aktibidadis sa tanang mga molupyo sa tibook lalawigan.
Una nang gipatawag ni Sabal ang mga doktor sa kalungsuran aron mapangitaan sa solusyon ang paspas nga pagsaka sa sakit nga dengue.
