Nahimong generally peaceful ang gilusad nga tunga-sa-adlaw nga Civic and Military Parade, alayon sa selebrasyon sa Higalaay Festival ning syudad, kagahapon.
Basi sa impormasyon sa Cagayan de Oro City Police Office (COCPO) negatibo sa dautang insidente ang nasampit nga parada.
Wala usab natala nga dakung krimen o mga aksidente sa dalan ang kapulisan dungan sa gipahigayon nga selebrasyon.
Hisayran nga kapin gatus ka mga contingent ang mitambong sa contest-parade gikan sa academe sector, LGUs, ug business sector.
Ang mga major prize winners sa Higalaay Civic Military Parade and Float Competition gilangkoban sa BARANGAY CARMEN isip 1st Prize Winner sa float competition ug ang LGU makadawat sa P500,000 ug trophy; Second placer ang BRGY LUMBIA FLOAT ug sila midawat sa P300,000 nga premyo ug trophy.
Third prize winner ang Oro Integrated Cooperative nga mudawat sa premyo nga P200,000 ug trophy.
Milampos ang Misamis Oriental General Comprehensive Highschool (MOGCHS) sa pagsakmit sa 1st place sa BAND MARCHING competition kundiin ang ilang tunghaan makadawat sa P100,000 and a trophy.
Second prize ang Liceo de Cagayan University nga mudawat sa P75,000; ug 3RD PLACE ang Bulua National Highschool nga mudawat sa P50,000.
Giharos usab sa MOGCHS ang SPECIAL AWARDS sama sa Best in Costume nga adunay premyo nga P10,000; Best Band Majorette- P5,000 ug Best Band Major- P5,000 ug mga tropeyo. (WALA KOY VIDEO)
