Gipamugos sa Moro Human Rights Defender nga si Rhadem Musawah nga mas makiangayon ang konsepto sa civil union alang sa mga same-sex couples kaysa hilabtan pa ang tradisyonal nga konsepto sa kaminyoon nga nasugdan na sa religious sector.
Sa iyang interbyu sa Bombo Radyo siya miingon nga, ang mga tawo nga tinuod nga naghigugmaay angay gayod hatagan og kahigayonan nga mailhan sa ilalom sa balaod sa nasod.
Hinunoa, mas gipaboran niya ang civil union tungod kay kini naghatag og mas daghang legal nga benepisyo sa mga magtiayon kon itandi sa kaminyoon nga gikonsiderar niya isip usa ka porma sa simbolismo.
Subay niini, iyang gisugyot nga ipabilin na lang ang pulong nga marriage sa religious sector, samtang ang civil union ang mahimong pamaagi sa paghatag og katungod ug benepisyo dili lamang sa mga lgbt couples apan apil na ang mga magtiayon nga Pilipino.
