Sulayan sa laing higayon sa Pilipinas ang pagsakmit sa idlas nga korona sa Ms Grand International ning tuiga.
Kini human subling magpadala ang Pilipinas sa representasyon pinaagi ni Zambales beauty queen CJ Opiaza nga maoy nagdaug sa maong indigay dinhi sa nasud sa miaging semana.
Unang gipildi ni CJ ang laing 19 ka kandidata sa diin siya napili usab nga best in swimsuit sa maong kompetisyon.
Dili na usab bag-o kaniya ang beauty pageant competition journey kay kanhi na kini nakaapil sa Bb Pilipinas 2022 ug Ms Universe Philippines 2023.
Himoon ang 2024 Ms Grand International pageant sa Bangkok, Thailand sa Oktobre 25 ning tuiga.
Maoy ulahing miapil sa maong kompetisyon sa tuig 2023 ang Cagayan de Oro beauty queen nga si Nikki De Moura apan wala gihapon palari.
Hisayrang kini na ang ika-11 tuig nga pag-apil sa Pilipinas sa Ms Grand International sugod 2013.
