CAGAYAN DE ORO CITY – Mo-trabaho nga dili gumon sa ilegal nga droga rason nga nahukman ipaubos sa mandatory drug test ang mga empleyado sa City Environment and Natural Resources Office o CLENRO nga ubos sa city hall ning syudad.
Kini ang pinasahi nga gihimo ni CLENRO manager Engr. Armen Cuenca aron ipakita sa publiko nga ‘drug free workplace’ ang ilang buhatan.
Namahayag si Cuenca nga suporta kini sa kamanduan ni City Mayor Rolando ‘Klarex’ Uy nga ilikay ang mga empleyado sa city hall sa paggamit ug pagbaligya sa ilegal nga droga.
Posibleng namugna kini nga PDEA-10 driven drug test initiative sa CLENRO tungod kay dunay job order worker gikan sa Office of Community Affairs nga nadakpan sa Bulua Police Station 7 nga nadakpan sa pagbaligya’g ilegal nga droga sa Brgy 16 ning syudad sa miaging mga semana.
