CAGAYAN DE ORO CITY – Molusad sa duha ka adlaw nga workshop ang City Local Environment and Natural Resources Office o CLENRO kuyog ang ubang mga buhatan sa city hall kabahin sa epektibo nga pagtubag sa nagkagrabeng isyu sa basura ning syudad.
Miingon si CLENRO manager Engr Armen Cuenca nga nag-unang tuyo niini nga masabtan ang gahom nga unod sa city ordinance no. 13378- 2018 o mas naila nga INTERGRATED ECOLOGICAL SOLID WASTE MANAGEMENT nga gipatuman sa dakbayan.
Siya miingon nga ang maong katiguman,gipahaom usab sa pagsaulog sa ZERO WASTE MONTH ning tuiga.
Pagpasabot ni Cuenca nga gigahinan kini’g panahon sa tuyo nga dili na magmahay ang kabarangay sa higayon nga sugdan na ang istriktong pagpatuman sa ordinansa sa Hunyo ning tuiga.
Himoon ang workshop sugod Enero 28 hangtod 29 ning tuiga.
