CAGAYAN DE ORO CITY- Magpahigayon sa Information Education Campaign o IEC ang buhatan sa City local Environment and Natural Resources o CLENRO sa Malasag ug Guadalupe sa Huwebes ug Beyernes Santo.
Miingon si CLENRO head Engr Armen Cuenca nga tumong niini ang pagpamadlong sa katawhan nga dili pagpataka paglabay sa ilang mga basura.
Dugtong pa ni Cuenca nga gawas niini, motabang usab sila sa pagpanglimpyo sa posibleng mga basura sa maong dapit ug ingon man kung adunay mahitabong grassfire.Samtang magpakatag sa ilang mga miembro ang Boy scout of the Philippines sa mga religious site sa syudad partikular sa Malasag ug Guadalupe sa Biyernes Santo.
Miingon si CLENRO head Engr Armen Cuenca nga tumong sa 80 ka mga miembro sa Boy scout mao ang pagtabang sa pagpanghipos sa mga basura nga posibleng ipanglabay sa mga irresponsable nga mga tawo.
Matud ni Cuenca nga nalipay sila niini gumikan sa paghatag ug kooperasyon sa pipila ka grupo nga mapabiling limpyo ang syudad human sa semana santa.
