Padayon ang walay undang nga pagpangolekta sa basura ug clearing operations sa City Local Environment and Natural Resources Office kon CLENRO taliwala sa nagpadayon nga Higalaay Festival.
Namahayag si CLENRO Manager Bing Mabilen nga nagbutang usab sila og mga basurahan sa mga nag-unang event areas pinaagi sa pakigtambayayong sa mga organizer aron dili magkatag ang mga basura sa palibot.
Subay niini, gipahimutang na ang ilang mga kawani nga mag-duty bisan sa kagabion ug kadlawon aron masiguro gihapon ang kahinlo sa mga kadalanan sa syudad.
Dugang pa niini, ipadayon usab sa ahensya ang pag-monitor sa collection schedule aron masunod kini pag-ayo sa tanang dapit nga adunay mga kalihokan.
