Layu pa man ang adlaw sa mga dagkong kalihokan sa syudad apan nagpasidaan na daan ang buhatan sa City Local Environment and Natural Resources Office o CLENRO alang sa mutambong sa mga aktibidad sa Higalaay Festival nga mahimong responsable sa ilang mga basura.
Matod pa kay CLENRO Manager Bing Mabilen, andam na ang ilang mga personnel ug nakigpulong na sila sa bag-ong contractor alang sa paspas nga pagpanglimpyo human sa matag event.
Gihimo kini nga lakang aron masiguro nga hapsay ug limpyo ang palibot sa tibuok pagsaulog sa pista.
Tungod niini, nanawagan si Mabilen sa publiko nga magdala og kaugalingong water bottles ug likayan ang pagpataka og labay sa mga plastik.
