CAGAYAN DE ORO CITY – Walay illegal quarry operations apan pinasubay sa balaod ang gihimo sa tulo ka kompanya nga nag-operate sa bukirang bahin sa Sitio Suntingon,Brgy Bugo sa dakbayan.
Kini human unang gi-kuwestiyon ug gidudahan sa Bugo Environmental Advocates nga gisudlan sa maong mga kuwaridor ang designated agriculture protected area sa lugar.
Miingon si City Local Environmen and Natural Resources Office o CLENRO manager Engr Armen Cuenca nga kompirmadong dunay quarry operations apan distansya sa agri-protected area ug gitugutan sa DENR-MGB 10.
Hinoon,gipasalamatan ni CLENRO ang maong grupong nagpakabana sa kinaiyahan hinungdang personal nila gisusi sa miaging semana.
Hisayrang napukaw usab ang atensyon sa mga taga-Brgy Bugo kay subli nabahaan ang pipila ka bahin niini kay miawas ang tubig-ulan ug misulod sa daghang mga puy-anan.
