CAGAYAN DE ORO CITY- Mi-abante na ang Team Espanya sa finals sa 2019 FIBA World Cup didto sa China.
Kini human nila pukana ang Australia Boomers sa ilang panagsangka sa semifinal round sa torneyo pinaagi sa double overtime sa final score nga 95-88 kagahapon.
Si NBA champion Marc Gasol sa Toronto Raptors maoy nangulo sa Espanya sa iyang gitunol nga 33 puntos.
Napukan ang Boomers bisan pa sa maayong shooting performance nga gipakita sa ilang star player nga si Patty Mills kinsa mitala sa 34 puntos.
Makaatbang sa Espanya sa finals ang magmadaugon sa laing semifinal showdown tali sa Team France ug Team Argentina ugmang adlawa.
Nakasulod sa semifinals ang Pransiya human nila pukana sa quarterfinal round ang Team USA.
