CAGAYAN DE ORO CITY – Abante na sa semifinal round ang Argentina sa nagpadayong FIBA WorldCup 2019 didto sa China.
Kini human pildiha sa Argentina ang Serbia sa ilang dula sa final score 97 batok 87.
Kini ang pinakaunang higayon nga nakasulod sa semi-finals ang Argentina sukad sila ulahi naka-abante diin 13 ka tuig na ang nakalabay.
Nangulo sa Argentina si Facundo Campazzo sa ilang kadaugan diin mitala sa 18 puntos ug 12 ka assists.
Gitakdang sunod ikasangka sa maong powerhouse team ang modaug sa dula tali defending champion USA batok Pransiya.
