CAGAYAN DE ORO CITY – Gihagit ni Philvolcs regional director Marcial Labininay ang publiko nga dili ibalewala ang disaster drills ug seminar nga gilusad sa Office of the Civil Defense o OCD.
Kini ilabina kon nags-sentro sa hisgutanan sa mga paghapak sa linog nga wala pa’y kahimanan nga maka-detect niini kon mohapak sa usa ka lugar.
Gihimo ni Labininay ang pasidaan tungod sa paghapak sa 5.8 magnitude nga linog sa Generoso,Davao Oriental.
Miingon si Labininay nga labing kusog nga intensity 3 ang natala sa Gingoog City ug Magsaysay,Misamis Oriental dihang nakaabot sa Northern Mindanao ang kakusog sa tectonic in origin nga linog kagahapopn sa hapon.
Hinoon,walay natala nga kadaot ang maong linog dihang nabati usab ang intensity 2 sa Cagayan de Oro City,Kalilangan,Damulog ug Kibawe,Bukidnon.
Gitay-og usab sa intensity 1 ang kalungsuran sa Tagoloan,Jasaaan,Villanueva ning lalawigan ingon man sa Valencia City ug Quezon,Bukidnon.
