CAGAYAN DE ORO CITY- Nakatawag atensyon sa mga turista ug mismo ang mga residente ang pagtigi sa pito ka paresan sa mga manok sa dress up chicken contest didto sa Cabatuan,Iloilo.
Kini tungod kay sa maong indigay sa mga manok,gisul-uban sa sinina ug naka-pantalon ang mga manok nga sunoy nga apil sa kompetisyon.
Wala usab nagpalupig ang mga inayang manok kay sila gibutangan sa eyelash extension,lipstick ug naka-nail polish pa.Lain-lain nga breeding sa mga manok ang miapil sa kompetisyon diin nag-unang tuyo niini nga mapalig-on ang industriya sa maong lungsod.
Gusto usab makit-an sa maong kompetisyon kon giunsa sa mga agalon ang pag-atiman sa ilang mga binuhing mga manok.
Nahimo lamang mabulukon ang hulagway sa mga manok tungod sa gidugang nga artistry sa kompetisyon.
Tungod kay kompetisyon man,may mga manok nga midaug diin nagdawat sa premyo gikan sa 3-mil,2-mil ,1,000 ug P500 nga consolation prizes.
Nasuta nga ang maong lungsod,ilado sa labing nilutuan sa chicken natives ug tinubdan usab sa suplay sa mga restaurant sa Iloilo.
