CAGAYAN DE ORO CITY, Philippines – Gilampurnas sa Los Angeles Clippers ang team San Antonio Spurs sa ilang cliff-hanger nga dula, sulod sa indoor arena sa Intuit Dome, Inglewood, California.
Sa unang kwarter, gipakuratan sa Spurs ang Clippers sa ilang 40 points, itande sa 14 puntos.
Apan sa pag-abante sa second, padulong sa 4th quarter, nalubong na’g maayo ang puntos sa Spurs, kundiin wala na kini naka-apas pa hangtud nag tie ang ilang score sa 93-93 sa pag-abot sa fouth quarter.
Nakatilaw sa grabeng paglabaw ang Clippers sugod sa nahibiling 5 minutos sa dula.
Natapos ang dula sa final score nga 113-104. Gipanguluhan ni Normal Powell ang Clippers sa iyang 23 points, 3 assists ug 1 rebound.
Mihatag sa 21 puntos, 1 assist, 6 rebounds si Amir Cofey, samtang tag 17 puntos sila Ivaca Zubac ug James Harden.
Hisayran nga nasayang lang ang kahago ni Victor Wembanyama human mitala kini sa 24 puntos, 13 rebounds ug 3 assists, aron unta mahuptan sa ilang team ang ika-upat nga kadaugan sa bagp-ong season sa NBA.
Ning gutloa, pulos tabla, kung hisgutan ang ilang team standings, nga 3 ka duag ug 4 pildi.
Human sa dula, miangkon sa Wembanyama nga wala napakita sa ilang team ang maayong ball rotation hinungdan nga nalubong ang ilang Iskor sugod sa ulahing kwarter.
