CAGAYAN DE ORO CITY, Philippines – Gikumpirmar sa Department of Justice nga mi-entra sa plea bargaining tali sa US authorities si Kingdom of Jesus Christ (KOJC) Church Associate Marissa Duenas.
Subay sa report, giareglo sa United States Attorney’s Office (USAO) for the Central District of California ang kaso ni Duenas ug nahukman sa mas ubos nga silot.
Gibutyag ni Justice Assistant Secretary ug Spokesperson Mico Clavano nga na beripikar sa ahensya ang impormasyon gikan sa US Embassy human nag plead guilty si Duenas sa arraigment sa iyang kasong ‘conspiracy to defraud’ batok gobyerno sa Amerika.
Una niini, na-implikar ang ngalan ni Duenas human siya ang mitabang sa pagpasilitar sa 25 hangtud 100 ka ihap sa mga peke nga mga kasal aron makalikay sa US Immigration laws.
Ang ubang kaso nga giatubang ni Duenas, dunggon sa Mayo 2025.
