Giklaro ni Dr. Gerry J. Caño, board of director sa Cagayan de Oro Water District, nga ang Commission on Audit nagpakanaog na og findings kalabot sa plano nga 40% nga umento sa bayronon sa tubig sa dakbayan.
Gipahayag sa maong opisyal nga base sa ilang baruganan, dili makatarunganon ang kasamtangang kontrata ilabi na kay dunay ipahamtang nga escalation clause matag tulo ka tuig nga walay benepisyo sa konsultasyon.
Nunot niini, gipasalig sa COWD nga mosunod sila sa kamanduon sa Commission on Audit ug ipahigayon ang gikinahanglang public hearing.
Sa maong pagdungog, paminawon sa luwag ang mga reklamo o sugyot sa mga konsumante ug latagon ang 10-year development plan alang sa kaayohan sa serbisyo.
Giingon usab ni Dr. Caño nga ang maong proseso usa ka paagi aron makab-ot ang kalidad nga serbisyo sa tubig nga batakang panginahanglanon sa mga tawo.
