Gipalig-on ni US President Donald Trump ang suporta sa coal industry pinaagi sa pagpirma og executive order nga nagmando sa Pentagon sa paghimo og bag-ong purchasing agreements aron mopalit og kuryente gikan sa mga coal-fired power plant.
Gimando usab niya ang Department of Energy sa pagpagawas og pondo, lakip ang kapin $175 milyon, aron i-upgrade ug mapadayon ang operasyon sa mga coal plant sa West Virginia, Ohio, North Carolina, ug Kentucky.
Matod sa administrasyon, importante kini nga lakang aron masiguro ang national security ug grid reliability sa nasud.
Apan adunay mga kritiko nga nagpasidaan nga mahimo kining makapataas sa gasto sa kuryente ug makadugang sa polusyon sa maong nasud. (Jane Abulag)
