CAGAYAN DE ORO CITY – Representahan sa Office of the Govt and Corporate Counsel (OGCC) ang Cagayan de Water District sa international arbitration tribunal isip tubag sa lakang Metro Pacific Water didto sa Singapore.
Kini human kompirmaha ni retired COWD General Manager Engr Antonio Young nga nakadawat sila’g kopya sa pagdangop sa MetroPac sa tribunal aron mabayran ang sobra P400 million nga obligasyon sa water district ngadto sa COBI.
Namahayag si interim COWD General Manager Fermin Jarales nga dungan sa exit courtesy ni Young sa serbisyo,nasulti niini nga midangop ang COBI sa tribunal sa tinguha makuha ang bayrunon sa tubig gikan sa COWD.
Kini ang hinungdan nga gidangop usab sa regular ug interim mngt sa COWD ang isyu kon angay ba sila mosanong niini.
Naipit ang maong bayad kay wala ilha sa kasamtangang board of directors ug nakisakay ang city government sa isyu kay alang kanila disbintaha sa katawhan ang pipila ka probisyon sa COBI-COWD contract.
Apan misulod si Pres Bongbong Marcos sa maong bangi pinaagi sa pagtakeover sa Local Water Utilities Administration diin dunay interim officials nga gitudlo.
Kini aron modumala sa COWD sa unom ka bulan samtang sulbaron ang daghang mga suliran nga nadiskobrehan.
