CAGAYAN DE ORO CITY, Philippines – Gipamatud-an sa mga batan-on nga makahatag sa maayong resulta ug impresyon ang ilang gahum sa panaghi-usa pinaagi sa pagsalmot sa community service sama sa pagdonar sa ilang dugo sa gilusad nga blood letting project sa Bombo Radyo Philippines Network.
Kagahapon, full force ang mga tinun-an sa Cagayan de Oro College COC-Phinma Education sa pagdonar sa dugo sa Dugong Bombo : A little Pain a life to Gain.
Kasagaran sa mga successful blood donors gikan sa moang tunghaan pulos mgba criminology students, nursing ug walk-in teachers.
Gidayeg ni Dr. Gerry Caño, Dean sa School of Criminology and Criminal Justice sa COC-Phinma ang pagtubag sa iyang hagit sa tanan ilabe na nga nasayud siya nga kinasing-kasing ug nagbuluntaryo pa ang pipila sa ilang tinun-an sa pagsalmot sa proyekto, ning sibyahan.
Ning tuiga, gideklarar sa BOMBO RADYO CAGAYAN de Oro ang tunghaan sa COC-Phinma isip bloodiest group nga misalmot sa tinuig nga Dugong Bombo.
Gawas sa tinun-an sa COC, ubay-ubay usab sa mga tinun-an sa University of Science and Technology of Southern Philippines – USTP ang nagpakuha sa dugo, kundiin, daku usab ang pasalamat sa BOMBO RADYO, kay gidawat sa unibersidad ang pagsilbing venue sa Dugong BOMBO ning tuiga.
