Nangayog dugang pribasiya si American tennis star Coco Gauff isip usa ka magdudula sa 2026 Australian Open. Maoy gikalagot sa atleta ang pagkaguba sa iyang raketa nga gikuha’ag video sa mga spectators.
Nahitabo ang insidente pagkahuman sa iyang kapildihan batok kang Elina Svitolina sa quarterfinals sa Australian Open. Sa maong dula, natala sa 21-anyos nga si Gauff ang lima ka doubles faults, 26 unforced errors, ug human ang ilang engkwentro sa final score 6-1, 6-2 sulod sa 59 minutos.
Namugos si Gauff nga iyang gipugngan ang kaugalingon nga gubaon ang raketa sa korte, mao nga sa players area niya kini gibungkag.
Dugang pa niini nga gisulayan niya’g adto sa dapit nga walay camera apan nakuhanan gihapon siya. Kini ang rason nga gipagula ni Gauff ang iyang pagkadismaya sa mga organizers
