CAGAYAN DE ORO CITY – Wala papormaha sa Cagayan de Oro City Police Office ang bisan unsa nga grupo sa mga kriminal nga posibleng mosabwag kagubot sa kapistahan sa dakbayan.
Kini ang gibutyag ni COCPO spokesperson Lt Col Evan Viñas nunot sa pag-aktibo’g balik sa robbery group nga naglihok sa Ozamiz City apan miigo sa mga negosyante didto sa Cebu City.
Miingon si Viñas nga kanunay ang paglusad sa COCPO sa peace and driver operations sa mga brgy aron masuhid ang suspected criminals ug dili makahimo’g mga kremin sa dakbayan.
Sa miaging tuig,naigo sa pagtulis ang jewelry pawnshop nga nakabase sa Cogon market diin pipila sa mga suspek ang gikan sa Misamis Occidental.
Samtang gipaniguro ni 4ID commander Maj Gen Jose Maria Cuerpo nga luwas ang kahimtang sa katawhan sa Northern Mindanao ilabina sa syudad nga gitakdang magsaulog kapistahan ning bulana.
Gihimo ni Cuerpo ang pasidaa nunot sa pagsilbing negatibo sa seryosong bahad sa seguridad ang dakbayan batok sa mga kaaway sa gobierno.
Miingon si Cuerpo nga angay usab dunay partisipasyon ang katawhan sa maong kaakuhan kay gitumong man kini alang sa sunod pa nga mga henerasyon.
Hisayrang migahin sa mga sundalo ang 4ID pinaagi sa Task Force Oro aron moabag sa kapolisan sa dakbayan.
