CAGAYAN DE ORO CITY – Gikompirmar sa Cagayan de Oro City Police Office (COCPO) nga mupatuman sa full security deployment ang PNP inabagan sa mga miyembro sa 4ID Philippine Army alang sa nagkaduol nga 2019 Midterm Elections sa nasud.
Gibutyag ni COCPO spokesperson Police Lt. Colonel Mardi Hortillosa nga kung dunay alert team ang Armed Forces of the Philippines, ug nagkatag ang tanan tropa sa 65th Infantry Battalion sa hinterland barangays sa syudad, dili sab magkulang ang tanan sakop sa COCPO sa augmentation sa mga pulis sa nagkadaiyang voting precincts.
Partikular nga hatagan sa seguridad sa mga kapulisan ang mga dagkung tunghaan kung asa daghan porsyento sa mga botante ang mudagsa.
Gitin-aw sa PNP nga dili nila biyaan ang ilang mga police stations tungod kay sayud sila posibleng musi-aw ang mga dautang elemento aron mapugngan ang mga crimes against property ug petty crimes.
