CAGAYAN DE ORO CITY-Gikumpirmar ni Cagayan de Oro City Police Office (CoCPO) spokesperson Supt Mardi Hortillosa nga niadto pang miaging semana ilang gipangandaman ang lihok-protesta nga himoon sa mga raliyesta atol sa ikatolong State of the Nation Address kon SONA ni Pres Rodrigo Duterte ogmang adlawa.
Sya miingon nga base sa talaan nga iyang nakuha sa City Adminitrator’s office, usa lang ka grupo ang nagkuha og permit aron mohimo’g protesta ogmang adlawa.
Gitin-aw ni Hortillosa nga all set na ang ilang ipatuman nga security measure para sa syudad atol sa SONA ni Pres Duterte.
Samtang laraw sa CoCPO nga ihatag sa mga personahe sa Road and Traffic Administration (RTA) ang mga police outpust sa tibook syudad.
Si Hortillosa miingon nga tungod sa kakulangan sa mga personahe sa kapulisan, dili na nila magampanan og pagbutang og tawo sa matag outpost.
Gawas pa niana, hugot usab nga gimando ni City Police Dir SSupt Nelson Aganon sa mga pulis nga gidili ang pagtambay sa mga outpost inay kinahanglang mag-roving sa ilang area of responsibility.
