CAGAYAN DE ORO CITY-Gihangyo ni City Mayor Oscar Moreno ang kapolisan ubos sa liderato ni acting City Police Director Sr Supt Nelson Aganon nga dili gamiton sa ilegal nga kalihukan ang balor 6-milyon pesos nga police patrols nga gihatag sa syudad.
Gihimo ni Moreno ang pasidaan tungod kay dili kini gusto nga mausik lamang ang buhis sa katawhan nga gigamit sa pagpamalit sa maong mga patrol nga anaa sa police station 1, 3 ug 4 ning syudad.
Gipasalig ni Moreno nga dugang ayuda ang mahatag sa katawhan sa kapolisan kon anaa sila sa maayong performance sa pagmintinar sa kahusay’g kalinaw sa dakbayan.
