CAGAYAN DE ORO CITY – Gikalipay sa Cagayan de Oro City Police Office o COCPO ang hukom sa Cagayan de Oro Water District o COWD nga dili na pagkaso batok kanila.
Kini bisan naka-andam ang COCPO pagtubag kung mo-resulta sa pagkaso batok kanila ang nahitabo nga komosyon sulod sa COWD sa Corrales Avenue ning syudad sa miaging semana santa.
Miingon si COCPO spokesperson Lt Col. Evan Viñas nga dili suliran kanila kung adunay wala makauyon sa ilang mga aksyon kay andam man sila moatubang sa ‘proper forum.’
Siya miingon nga respetuhon nila bisan kinsa nga adunay mga pagpadayag reklamo ngadto sa ilang buhatan.
Dumduman nga maoy gipalagan sa grupo sa regular management kay wala sitaha sa mga pulis ang grupo ni Jarales nga nangbitbit sa mga dokumento sulod sa COWD padulong sa gawas kabahin niini sa maong semana.
Apan pagpasabot usab ni COCPO City Director Col Salvador Radam nga wala sila makakita sa akto sa pasangil rason nga dili ma-aplikar ang ‘warrantless arrest.’
Una usab niini,maoy gipasabot ni regular COWD board of director chairman Dr. Gerry Caño nga dili na sila intresado pagkaso COCPO.
Apan isalig na lang nila sa Internal Affairs Service o IAS ug National Police Commission nga mohimo’g aksyon kabahin sa giingong wala pag-aksyon ngadto sa Jarales.
