CAGAYAN DE ORO CITY – Gitahasan ni City Mayor Rolando ‘Klarex’ Uy si Cagayan de Oro City Police Office o COCPO Director Col Salvador Radam nga masiguro ang kaluwasan sa katawhan nga modagsa sa dul-an 20 ka publiko ug pribadong menteryo sa syudad ning semanaha.
Kini alayon sa pagsugod na’g duaw sa katawhan sa ilang mga mahal sa kinabuhi nga mitaliwalan na nunot sa pag-obserbar sa adlaw sa mga santos ug kalag.
Miingon si Janboy Actub,tigpamaba ni Uy nga naglugwa na’g mando ehekutibo ang city govt aron pagpatuman sa pipila ka kabag-uhan sa mga gabayan sa pagsiguro nga mamintinar ang kahusay’g kalinaw sa tibuok sa syudad hangtod sa sunod semana.
Kabahin sa gidili sa katawhan nga dal-on ang mga posporo ug binotelya nga tubig-mainom kay mismo na ang taga-city hall ang mohatag nga libre niini particular sa city memorial park sa Brgy Camaman-an ning syudad.
