CAGAYAN DE ORO CITY – Kasado na ang tropa ni Cagayan de Oro City Police Office Director Col. Salvador Radam paghatag sa hugot nga seguridad sa board of elections inspectors ug mga botante nga modagsa sa nagkadaiyang voting centers sa adlaw’ng Lunes.
Kini ang hinungdan nga ila nang sugda’g pakatag ang tropa niini ilabina sa hinterland barangays ning syudad ugmang adlawa.
Miingon si Radam nga nagpadala usab sa dugang puwersa ang Police Regional Office 10 sa pagsiguro nga walay makahimo’g sabotahe sa proseso sa eleksyon sunod semana.
Hisayrang pabiling category green ang Cagayan de Oro kay walay mga dugu-ong panghitabo may kalabutan sa eleksyon sukad pa sa milabay’ng mga katuigan.
